Sunday, March 11, 2007

♫ ഓര്‍‌മ്മയില്‍‌ ഒരു താരാട്ട് ♫

എങ്ങോ കേട്ടു മറന്നൊരാ പാട്ടിന്‍‌
ഈണം മനസ്സിന്റെ താളമായി
താരാട്ടു പാട്ടിന്റെ ഈണം കേള്‍‌ക്കാത്ത
എന്റെ മനസ്സിന്റെ താളമായി...

ഓര്‍‌മ്മകള്‍‌ക്കെന്നില്‍‌ പുനര്‍‌ജ്ജനി നല്‍‌കിയ
പാട്ടിന്റെ പല്ലവി പാടുമോ നീ
ഉണര്‍‌ന്നെഴുന്നേല്‍‌ക്കുമെന്‍‌ മനസ്സിന്റെ കോണിലെ
മോഹവിളക്കിന്‍‌ തിരിനാളമായ്...

ഓമല്‍‌ക്കിടാവിന്റെ താരാട്ടു പാടുമൊ-
രമ്മ തന്‍‌ പൊന്‍‌മുഖമോര്‍‌ത്തിടുമ്പോള്‍‌
ഞെട്ടിയുണര്‍‌ന്നൊരെന്‍‌ ബാല്യസ്വപ്നത്തിന്റെ
നേര്‍‌ത്ത സ്വരങ്ങളും കേള്‍ക്കാതെയായ്...

2 comments:

  1. Nithesh said...

    Simple, But nice. Pazhaya ormakalileku oru thiranottam...

  2. ശ്രീ said...

    കമന്റിനു നന്ദി നിതേഷ്...