മൂലഭദ്രി

 

300 കൊല്ലം മുമ്പ് കേരളത്തിൽ മാർത്താണ്ഡ വർമ്മ അദ്ദേഹത്തിന്റെ ഭരണകാലത്ത് രൂപം കൊടുത്ത ഒരു ഗൂഢ ഭാഷ ആണ് മൂലഭദ്രി.

മലയാളം അക്ഷരങ്ങൾ തന്നെ സ്ഥാനം തെറ്റിച്ചു എഴുതി ഉണ്ടാക്കിയ ഒരു കോഡ്‌ ഭാഷ. ഇപ്പോൾ  ചുരുക്കം പേരെ ഇത് അറിയുന്നവരായുള്ളൂ.  അതിലും വിരളമായുള്ളവർ മാത്രമേ ഇതുപയോഗിയ്ക്കുന്നുള്ളൂ.

മൂലഭദ്രി പഠിയ്ക്കാൻ ദാ ഇത്രേം ഓർത്താൽ മതി

"അകോ ഖഗോ ങഘ ശ്ചൈവ
ചടോ ഞണോ തപോ നമ:
യശോ രഷോ ലസ ശ്ചൈവ
വഹ ളക്ഷ റഴ റ്റന"

പെട്ടെന്നു ഒന്നും പിടി കിട്ടിക്കാണില്ല അല്ലെ?

ഒന്നൂടെ വിശദമാക്കാം.

അകോ : "അ"ക്ക് പകരം "ക"യും, തിരിച്ച് "ക"ക്ക് പകരം "അ"യും.

അതായത്

അ=ക
ആ=കാ
ഇ=കി
ഈ=കീ
ഉ=കു
ഊ=കൂ
ഋ=കൃ
എ=കെ
ഏ=കേ
ഐ=കൈ
ഒ=കൊ
ഓ=കോ
ഔ=കൗ
അം=കം
അ:=ക:

ബാക്കിയുള്ള അക്ഷരങ്ങൾ മുകളിൽ കൊടുത്തിരിക്കും വിധം ഉപയോഗിക്കുക.

ചടോ എന്നാൽ ച=ട

ച ഛ ജ ഝ ഞ
ട ഠ ഡ ഢ ണ

ഇത് ഓരോന്നും പരസ്പരം വച്ചു മാറും.

ഴ=റ,
റ്റ=ന(വനം എന്നതിലെ "ന").

അതേ സമയം, നാമം എന്നതിലെ ന എന്നതിന് മ ആണ് എന്നും ഓർക്കുക

നനഞ്ഞു = മറ്റണ്ണു

ൺ ൻ ർ ൽ ൾ ങ്ക ന്ത ത്സ എന്നിവയ്ക്ക് പകരം ഞ് റ്റ് ഴ്‌ സ്‌ ക്ഷ്‌ ങ്ങ മ്പ പ്ല എന്നിവ യഥാക്രമം വരും.

അതു പോലെ അക്കങ്ങൾക്ക്

1=2
3=4
5=6
7=8
9=0

ഇങ്ങനെ ആണ് ഉപയോഗിയ്ക്കുന്നത്